||Sundarakanda ||
|| Sarga 45||( Only Slokas in English )
हरिः ओम्
Sloka Text in Telugu , Kannada, Gujarati, Devanagari, English
suṁdarakāṁḍa.
atha paṁcacattvāriṁśassargaḥ||
tatastē rākṣasēṁdrēṇa cōditā maṁtriṇassutāḥ|
niryayurbhavanāt tasmāt saptasaptārcivarcasaḥ||1||
mahabalaparīvārā dhanuṣmaṁtō mahābalāḥ|
kr̥tāstrāstravidāṁ śrēṣṭhāḥ parasparajayaiṣiṇaḥ||2||
hēmajālaparikṣiptairdhvajavadbhiḥ patākibhiḥ|
tōyadasvananirghōṣai rvājīyuktarmahārathaiḥ||3||
taptakāṁcana citrāṇi cāpānyamita vikramāḥ|
viṣphārayaṁtaḥ saṁhr̥ṣṭāḥ taṭitvaṁta ivāṁbudāḥ||4||
jananyastu tatastēṣāṁ viditā kiṁkarān hatān|
babhūvuśśōkasaṁbhrāṁtāḥ sabāṁdhavasuhr̥jjanāḥ||5||
tē parasparasaṁgharṣā taptakāṁcanabhūṣaṇāḥ|
abhipēturhanūmaṁtaṁ tōraṇastha mavasthitam||6||
sr̥jaṁtō bāṇavr̥ṣṭiṁ tē rathagarjita nissvanāḥ|
vr̥ṣṭimaṁta ivāṁbōdhā vicērurnairr̥tāṁbudāḥ||7||
avakīrṇastatastābhirhanumān śaravr̥ṣṭibhiḥ|
abhavatsaṁvr̥tākāraḥ śailārāḍiva vr̥ṣṭibhiḥ||8||
sa śarānmōghayāmāsa tēṣā māśucaraḥ kapiḥ|
rathavēgaṁ ca vīrāṇāṁ vicaranvimalēṁbarē||9||
sataiḥ krīḍan dhanuṣmadbhirvyōmni vīraḥ prakāśatē|
dhanuṣmadbhiryathā mēghairmārutaḥ prabhuraṁbarē||10||
sakr̥tvā ninadaṁ ghōraṁ trāsayaṁ stāṁ mahācamūm|
cakāra hanumān vēgaṁ tēṣu rakṣassu vīryavān||11||
talēnābhyahanatkāṁścit pādaiḥ kāṁścitparaṁtapaḥ
muṣṭinābhyahanatkāṁcin nakhaiḥ kāṁścidvyadārayat||12||
pramamāthōrasā kāṁścidūrūbhyāṁ aparān kapiḥ|
kēcittasya ninādēna tatraiva patitā bhuvi||13||
tatastēṣvavasannēṣu bhūmau nipatitēṣu ca|
tatsainyamagamat sarvaṁ diśōdaśa bhayārditam||14||
vinēdurvisvaraṁ nāgā nipēturbhuvi vājinaḥ|
bhagnanīḍadhvajaccatrairbhūśca kīrṇāsbhava drathaiḥ||15||
sravatārudhirēṇātha sravaṁtyō darśitāḥ pathi|
vividhaiśca svarairlaṁkā nanāda vikr̥taṁ tadā||16||
satānpravr̥ddānvinihatya rākṣasān
mahābalaścaṁḍaparākramaḥ kapiḥ|
yuyutsuranyaiḥ punarēva rākṣasaiḥ
tamēva vīrō:'bhijagāma tōraṇam||17||
ityārṣē śrīmadrāmāyaṇē ādikāvyē vālmīkīyē
caturviṁśat sahasrikāyāṁ saṁhitāyām
śrīmatsuṁdarakāṁḍē paṁcacattvāriṁśassargaḥ ||
|| Om tat sat ||